Litva özünü Rusiyadan qorumağa başlayır

DÜNYA

256

18.04.2025, 14:49

Litva Rusiyanın Avropa İttifaqı və NATO-ya mümkün hücumundan qorunmaq üçün Suwalki boşluğundan keçən marşrutu modernləşdirmək və gücləndirmək niyyətindədir.

Oxu24.com xəbər verir ki,bu barədə “Politico” qəzeti yazır.

Suwalki dəhlizi Polşa və Litvanı birləşdirən, Belarus və Kalininqradla həmsərhəd olan 100 km enində meşəlik düzənlikdir. Bu, NATO-nun ən həssas nöqtələrindən biri hesab olunur.

Litvanın müdafiə nazirinin müavini Tomas Qodliauskas qəzetə açıqlamasında "Bu yollar [təhlükəsizlik və müdafiə baxımından] bizim üçün kritik əhəmiyyət kəsb edir. Onlar böhran zamanlarında müttəfiqləri dəstəkləmək üçün əsas quru yolları kimi həmişə bizim mülki-hərbi planlamamızın bir hissəsi olub", -deyə qeyd edib.

Politico-nun qeyd etdiyi kimi, Litvanın ərazisindən keçən iki əsas yol var: biri Litvanın Kaunas şəhərindən Varşavaya qədər uzanır və Via Baltica hərbi dəhlizinin bir hissəsidir, digəri isə Litvanın paytaxtı Vilnüs ilə Polşanın Avqustov şəhəri arasındakı marşrutdur.

Nəşrin məlumatına görə, Litva hazırda Polşa ilə Vilnüs-Avqustov yolunu mülki və hərbi məqsədlər üçün ikili təyinatlı standartlara uyğunlaşdırmaqla müttəfiq qüvvələrin ölkəyə gedən əsas marşrutu olan Via Baltikadan kənarda hərbi infrastrukturunu genişləndirmək üçün işləyir.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Bu yolla onlar mal axınını yaxşılaşdırmaq, qoşunların hərəkətini asanlaşdırmaq və müharibə vəziyyətində mülki əhalinin potensial təxliyyəsinə dəstək vermək istəyirlər. Godliauskas əlavə edib ki, bu, çətin anlarda daha yaxşı logistikanı təmin etmək üçün başqa bir seçimdir.

Aprelin əvvəlində Finlandiyanın müdafiə naziri Antti Hakkänen bildirmişdi ki, ABŞ-ın Avropadakı NATO müttəfiqləri Rusiyanın hücumundan qaçmaq üçün ABŞ qoşunlarının Avropadan çıxarılması halında “aydın yol xəritəsi”nə malik olmalıdırlar.

Nigar